O Concello da Estrada programa unha trintena de actividades no marco da XLII Festa do Salmón

O Concello da Estrada acollerá dende mañá ata o domingo 17 de maio, día principal da XLII Festa do Salmón, máis dunha trintena de actividades pertencentes a ámbitos como o deporte, a cultura, o folclore, a gastronomía, a música e o comercio.

O concelleiro de Cultura, Juan Constenla, augura “dúas fins de semana consecutivas coa vila ateigada de xente” grazas á cantidade e diversidade de actividades programadas. Ao respecto, salienta que mañá venres comeza a primera xornada da ruta de degustación de tapas de salmón, na que participarán un total de 21 locais repartidos por grupos durante os días 8, 9, 10, 15 e 16. Concretamente, mañá arrancará nos locais 20 Berzas, O 21, O asador de Leo e O candil de Silvia.

Tamén mañá inaugurarase a Feira do Libro, ás 12.00 horas na Alameda Municipal, e a partires das 19.30 horas os comercios da vila acollerán a Noite de Compras organizada pola ACOE e en cuxa difusión colabora o Concello. Pola súa parte, o sábado e o domingo celebraranse o 39ª Concurso Internacional de Pesca do Salmón nos coutos salmoeiros do municipio, a Feira do Corredor, a 47ª Feira de Antigüidades e Artesanía, a 4ª Feira de Labores e o 3º Encontro de Palilleiras.

Nota: Pódese consultar o programa completo no apartado Actividades.

Máis de 12.000 persoas ateigan A Estrada na XLI Festa do Salmón

A Estrada celebrou hoxe a edición máis exitosa da Festa do Salmón, xa que máis de 12.000 persoas ateigaron a vila durante os actos programados. O dato supón un récord histórico de asistencia nas 41 edicións da festa, xa que medrou arredor dun 33% respecto aos 9.000 participantes do ano anterior grazas á chegada de moitos visitantes de fóra do municipio.

Os primeiros sondeos feitos pola organización apuntan á presenza de grupos e parellas procedentes de Lalín, Silleda, Santiago de Compostela, A Coruña, Vigo, Ames, Negreira e Vilagarcía de Arousa, entre moitos outros concellos galegos, aínda que tamén houbo unha pequena participación de xente do resto de España e incluso do estranxeiro.

Os asistentes remataron cos 6.600 pinchos preparados de trinta xeitos distintos por dez establecementos e probaron a sidra de Lagar de Ribela, coparon gran parte das 2.000 prazas dos restaurantes da vila e encheron coma nunca as terrazas da case todas as zonas do pobo. Neste senso, cabe sinalar que os bares recibiron a recompensa de apostar, como xa se ten feito noutros anos, por despachar tapas de salmón gratuítas coas consumicións dos seus clientes.

A xornada contou cun senfín de actividades, dende a tradicional Ruta de BTT ata a exposición de toquillas pasando pola exhibición de lances de pesca na praia fluvial de Liñares, a concorrida Feira de Artesanía, a mostra de vehículos antigos, a exposición e exhibición de montaxe de moscas a cargo de Xaquín L. Muiños ou as actividades infantís na alameda, que congregaron a centos de rapaces gozando coa boa climatoloxía e os xogos inchables.

Mentres se desenvolvía toda esta actividade e antes de que comezara a degustación popular, o eixo da festa trasladouse ao Teatro Principal, onde a catedrática universitaria Mercedes Brea deu lectura ao pregón antes de recibir o Salmón de Ouro, galardón que tamén recaeu na Banda de Gaitas de Barbude -nas mans de José Manuel Porto- e no ciclista estradense Álex Marque. Este acto contou coa presenza do alcalde estradense, José López; da conselleira de Medio Rural, Rosa Quintana; do subdelegado do Goberno en Pontevedra; Antonio Coello; do secretario xeral de Política Lingüística, Valentín García; do presidente da Sociedade Deportiva Río Ulla, Miguel de la
Calle; do máximo dirixente do Centro de Iniciativas Turísticas (CIT), Luis Reimóndez; do director xeral de Desenvolvemento Rural, Antonio Crespo; do ex deputado estradense Xesús Palmou; e dos alcaldes de Lalín e Cerdedo, Xosé Crespo e José Balseiros, entre outros persoeiros. Posteriormente, a directora da Axencia Galega de Turismo, Nava Castro, incorporouse aos actos.

Na súa intervención, José López felicitou aos tres distinguidos e quixo destacar a boa saúde da festa estradense, dando por ben feito o esforzo en materia exterior desenvolvido este ano, aspecto que considerou de xustiza ao seren o Salmón «un dos grandes atractivos turísticos da Estrada xunto coa Rapa das Bestas, o Pazo de Oca, Os Xenerais da Ulla e os coutos de pesca fluvial no río Ulla».

O rexedor estradense anunciou o compromiso do seu goberno de seguir traballando polo impulso desta festa «incrementando o seu vencellamento ao Ulla e as actividades de pesca, espallando no tempo as actividades da Festa do Salmón para favorecer un maior retorno económico para a hostalaría e a restauración e incrementando a relación co mundo da cultura, de gran importancia na raigame desta festa gastronómica».

A Estrada repartirá 6.600 pinchos de salmón na degustación popular do domingo 18

A XLI Festa do Salmón da Estrada servirá este domingo, 18 de maio, un total de 6.600 pinchos de salmón na degustación popular que se celebrará na carpa instalada na Praza da Constitución. A partires das 12.30 horas, dez establecementos de restauración, panadería e turismo rural ofrecerán 2.200 bandexas con tres pinchos cada unha, ao prezo habitual de 4 euros a bandexa. Asimesmo, na degustación tomará parte o lagar Sidra de Ribela, que venderá botellas desta sidra elaborada na Estrada. A relación de establecementos participantes e dos seus pinchos é a seguinte:

  • Panadería A Fogaza: Empanada de salmón | Empanada de salmón e zamburiñas | Empanada de salmón e gambas
  • Panadería Cervela: Empanada de millo de salmón e zamburiñas | Empanada de trigo de salmón e vieiras | Salmón e piquillos sobre pan de algas
  • Restaurante Don Juan: Salmón ao Don Juan | Lasaña de salmón | Empanadilla de salmón
  • Restaurante La Bombilla: Caña rechea de salmón, queixo e piñóns | Mousse de salmón e bacallau | Salmón en escabeche de cítricos
  • Mar de Compostela: Encurtido de setas e verduriñas con salmón | Pementos de piquillo recheos de risotto de salmón | Pastel de salmón
  • Restaurante Nixon: Pastel de salmón | Salpicón de salmón | Salmón ao Conde de Ximonde
  • O Asador de Leo: Filloas tropicais de salmón | Crocante de salmón | Delicia de salmón
  • Restaurante Os Peares: Croquetas de salmón con algas | Pastel de salmón e xudías | Ensalada de pasta con salmón afumado
  • Restaurante Sala Gradín: Endivia con crema de salmón e froitos vermellos | Salmón ao aroma de mostaza con crocante de cebola | Salmón con mazá acaramelada, redución de módena e mel
  • Restaurante Velis Nolis: Salmón con mango | Salmón con aguacate | Salmón con fresa

Charlas temáticas

Por outra banda, a programación da Festa do Salmón retómase mañá co comezo das charlas temáticas, que terán lugar ás 21.00 horas no Museo do Moble e da Madeira (MOME). Para o xoves 15 está prevista a ponencia sobre turismo fluvial a cargo de Tomás Gil, xerente de El Rincón del Pescador e un gran especialista na organización de rutas e pesca nos famosos coutos troiteros da provincia de León, e de Agustín Albiol, produtor de documentais sobre esta práctica deportiva. Esta conferencia, aberta a todos os públicos, está orientada especialmente ao mundo do turismo rural estradense, ao sector hostaleiro e aos axentes turísticos en xeral.

O venres 16 celebrarase unha charla sobre pesca, tamén aberta, pero pensada sobre todo para os deportistas e tamén para o sector turístico, a cargo de David Arcay, campión do mundo de Pesca de Salmónidos no ano 2012, e de George Chang, xerente de Pescatravel, unha empresa especializada na xestión de viaxes de pesca ao longo de todo o mundo.

Jesús Carbia Pereiras conquista o XXXVIII Concurso Internacional de Pesca do Salmón cun exemplar de 4,047 quilogramos

O estradense Jesús Carbia Pereiras, tamén coñecido como “Louzao de Santeles”, fíxose coa victoria no XXXVIII Concurso Internacional de Pesca do Salmón grazas a un exemplar de 4,047 quilogramos de peso e 71 centímetros de lonxitude capturado na xornada do sábado no couto de Ximonde.

Con esta victoria, Jesús Carbia súmase ao reducido grupo de cinco pescadores que conseguiron gañar este prestixioso certame de pesca en máis dunha ocasión, posto que el xa vencera no ano 1981. Precisamente, o segundo clasificado nesta edición, Salvador Ortega, que tamén capturou o sábado un exemplar de 3,5 quilogramos, é outro dos integrantes dese reducido grupo.

A entrega de premios, que estivo presidida polo alcalde da Estrada, José López, un representante do Servizo de Protección da Natureza e polo presidente da Sociedade Deportiva Río Ulla, Miguel de la Calle, tivo lugar no restaurante Samaná.

Flyer-Tapas

Comezan as actividades da Festa do Salmón coa degustación de tapas, o concurso de pesca, música, redes sociais e cociña

A Estrada inicia hoxe venres a programación de actividades da primeira fin de semana da cadraséximo primeira Festa do Salmón, na que terán especial protagonismo as tapas, a pesca, as redes sociais, a cociña e a música. A Ruta de Tapas de Salmón, que costarán un euro cada unha, toma o testemuño do concurso de anos anteriores e constitúe a primeira actividade, repartíndose do seguinte xeito con estas datas e locais:

9 de maio

  • Alameda | Pementos recheos de salmón e gambas
  • Enredo | Changurre de salmón
  • Nicol´s | Delicia Nicol´s
  • Manxares | Salmón manxares

10 de maio

  • Yokohama Gastro | Kinder sorpresa: Ovo recheo de salmón con salsa rosa
  • O Lar | Salmón ao cava
  • O Asador de Leo | Crocante de salmón con vinagreta de melocotón
  • Velis Nolis | Salmón mariñado con aguacate

11 de maio

  • A Cunca | Pétalos de salmón
  • Boliche | Crocante acaramelado de salmón
  • Cervexería Eureka | Salmón ao Ulla
  • Mesón da Estrada | Salmón en salsa de vieira

16 de maio

  • La Bombilla | Mousse de salmón e bacallau
  • Nixon | Nixon
  • O Café de Xulia | Vasiños de salmón, gambas, aguacate e queixo fresco
  • Os Peares | Hamburguesa de salmón a prancha con salsa de modena e piñóns
  • Samaná | Canelóns de salmón afumado recheos de mousse de queixo e noces con salsa agridoce

17 de maio

  • Argentinos Burguer | Causa de Salmón
  • Don Juan | Salmón ao Don Juan
  • Andalucía | Salmón con crema
  • A Vila | Bocados de salmón a crema de mostaza
  • Oasis | Tosta de salmón a laranxa e frutos secos

Xa na xornada de mañá sábado, a actividade trasladarase aos coutos salmoneiros do río Ulla (Couso, Sinde e Ximonde), onde medio cento de deportistas competirán na trixésimo oitava edición do Concurso Internacional de Pesca de Salmón, o máis prestixioso da nosa comunidade e que se decidirá en dúas xornadas de competición.

Paralelamente, durante a xornada do sábado A Estrada acollerá unha xuntanza de bloggers gastronómicos e turísticos, que contribuirán á difusión da festa nas redes sociais utilizando o hashtag #festadosalmon. Unha ducia de autores de referencia das páxinas webs especializadas galegas daranse cita ás 11.00 horas na Porta do Sol para facer o acto de benvida diante da estatua do salmón e, posteriormente, percorrer a Praza de Abastos, degustar todas as tapas da ruta do salmón e pechar a xornada acudindo ao río Ulla para seguir as evolucións do concurso de pesca.

Finalmente, as actividades da primeira fin de semana da festa pecharanse o luns 12 cunha «talk exhibition» de cociña de salmón no Museo do Moble e da Madeira (MOME) a cargo dos chefs estradenses Federico López (A Quinta da Auga), Javier Rey (Alborada) e Javier Fins (Talaso Atlántico). O acto, que comezará ás 18.00 horas e desenvolverase baixo o formato de debate e degustación, é aberto, aínda que está especialmente orientado aos hostaleiros e colectivos de amas de casa.

Álex Marque

Hacked By N3X0000S

~!Hacked By N3X0000S

Hacked By N3X0000S

 

Greetz : Prosox, Kuroi SH, Tar7k, G0v3rn, Nitroz

\!/@N3X0000S https://twitter.com/N3X0000S ~Hacked By N3X0000S\!/

Hacked By N3X0000S! !

Presentación-da-Festa-do-Salmón

A Estrada programa máis dunha vintena de actividades para celebrar a XLI Festa do Salmón

O Concello da Estrada adiantou hoxe durante a presentación da cuadraxésimo primeira Festa do Salmón que a organización programou nesta edición máis dunha vintena de actividades gastronómicas, culturais, deportivas, lúdicas e institucionais coa finalidade de atraer a milleiros de visitantes dende o venres 9 de maio ata o domingo 18 de maio.

A presentación da XLI Festa do Salmón, na que estiveron presentes varios membros do goberno local e representantes do sector da hostalaría, tivo lugar esta mañá na Praza da Constitución da Estrada. Esta praza foi tamén o punto de partida dun autobús de estilo tradicional inglés que percorrerá ata o vindeiro domingo pola tarde preto de 1.000 quilómetros para divulgar a proximidade da Festa do Salmón nas principais cidades e vilas das provincias de Pontevedra e A Coruña.

Aínda que a data central da festa será o domingo 18 de maio, os organizadores e os 24 establecementos do sector de hostalería colaboradores decidiron ampliar as xornadas de degustación de tapas de salmón á fin de semana anterior, de xeito que os días 9, 10, 11, 15, 16 e 17 de maio poderanse degustar as devanditas tapas nun total de 17 locais de hostalaría. Ademais, o domingo 18 a Praza da Constitución acollerá a tradicional degustación popular de salmón, na que repetirán cinco establecementos e á que se sumarán outros sete restaurantes.

O alcalde da Estrada, José López Campos, salientou durante a presentación que a Festa do Salmón, que foi declarada Festa de Interese Turístico de Galicia en 2013, xa é “un dos buques insignia do turismo na Estrada, xunto coa Rapa das Bestas e o Pazo de Oca”. Nembargantes, avogou por reforzar o traballo en tres liñas estratéxicas para darlle un novo pulo: “promover unha maior divulgación fóra da Estrada de todos os atractivos desta festa, buscar un maior vencellamento co medio natural e as orixes na pesca do salmón no río Ulla e promover unha maior oferta de actividades gastronómicas en colaboración cos establecementos da hostalaría”.

Entre os principais atractivos desta cuadraxésimo primeira edición, José López destacou dúas actividades xa convertidas en tradicionais, como son o Concurso Internacional de Pesca do Salmón, que celebrará a súa trixésimo oitava edición os días 10 e 11 de maio nos coutos de Couso, Sinde e Ximonde, e a Ruta do Salmón en BTT, que terá lugar o domingo 18 e que constará dun percorrido de preto de 40 quilómetros.

Bus do salmón

Un autobús de estilo inglés percorrerá esta fin de semana preto de 1.000 quilómetros para promocionar a Festa do Salmón

Un autobús de estilo tradicional inglés, vinilado coa imaxe da XLI Festa do Salmón, percorrerá dende hoxe ata o vindeiro domingo pola tarde preto de 1.000 quilómetros para promocionar a cuadraxésimo primeira edición desta cita gastronómica. O autobús, que comezou o seu itinerario esta mañá tras a presentación do programa de actividades da festa diante do consistorio estradense, ten previsto visitar hoxe as cidades de Pontevedra e Vigo. Na xornada de mañá percorrerá diversos municipios da área do Salnés, como Sanxenxo, O Grove e Cambados, e tamén acudirá a Santiago de Compostela. Na xornada do domingo visitará Padrón e a cidade da Coruña, finalizando o seu percorrido pola noite en Vigo.

XLI-Festa-do-Salmón-Cartel

O cartel da XLI Festa do Salmón, deseñado por Monster Studio

O cartel anunciador da XLI Festa do Salmón da Estrada, así como outros elementos gráficos que se empregarán na divulgación deste evento gastronómico, foron creados polo estudo estradense Monster Studio. Nesta ocasión, o cartel está deseñado a partires dunha fotografía dun salmón sobre unha mesa de corte dun restaurante.

Argentinos Burguer - Potito

Argentinos Burguer gaña o Concurso de Tapas de Salmón co “Potito”

Argentinos Burguer fixo dobrete na segunda edición do Concurso de Tapas de Salmón, xa que gañou coa súa tapa “Potito” e acadou a segunda praza con “Brétemas do Ulla”. En terceiro lugar clasificouse “Crocante de salmón con vinagreta de mel e mostaza”, do Bar Andalucía. Os tres premios, de 300, 200 e 100 euros, respectivamente, entregaranse esta semana nun acto público xunto con diplomas acreditativos aos 17 locais participantes.

En canto aos premios para o público, o estradense Carlos Loureiro, que completou o percorrido por todos os locais, levou 500 euros en vales para gastar nos establecementos de restauración e hostalaría que colaboraron con esta edición da Festa do Salmón. Ademais, tamén se sortearon os tres segundos premios, de 200 euros cada un, tamén en vales, e recaeron en Ana Arca Abalo, Miguel Ángel Castro Fernández e Javier Barreiro Lorenzo.

O alcalde, José López, acompañado dos concelleiros Juan Constenla, Nemesio Rey e Óscar Durán abríu diante dos medios de comunicación as cualificacións do xurado técnico do concurso de tapas do salmón, conformado polos chefs estradenses Javier Rey, Javier Fins e Federico López, para que se sumaran ao voto popular e se coñeceran os gañadores.

Uso de cookies

Este sitio web utiliza cookies para que vostede teña a mejor experiencia de usuario/a. Se segue a navegar está a dar o seu consentimento para a aceptación das mencionadas cookies e a aceptación da nosa política de cookies.

ACEPTAR
Aviso de cookies